A xornada de competicións do venres no Mundial de Shaoxing comezou ás 08.30 hora local, co K2 Junior Feminino. As competidoras españolas da categoría foron o K2 da sillense Aitana Gastaldo e guipuscoana Intza Méndez e o K2 das navarras Aida Tirado e June Aldaregia. Neste maratón de 18,30 km. as primeiras finalizaron en 10ª posición e as segundas foron 13ªs.
No C2 Junior, o C2 do club de Pontecesures Pablo Crespo e Diego Piñeiro acadaron a medalla de bronce; mentres que os seus compañeiros de selección, o C2 do rianxeiro Javier Ordoñez e o padronés Iago Romero, foron 7ªs.
No C1 Junior Feminino, a padronesa e irmán de Iago, Iria Romero, foi 7ª, e a ribereña Laura Olaya, foi 8ª.
No K2 Junior Masculino, as embarcacións españolas serían as do K2 de Luís Álvarez e Óscar Moreno e o de Alejandro Moreno e Joaquín Iglesias, 12º e 13º, respectivamente.

Na categoría Sub23, a kaiakista zumayana Irati Osa foi terceira, acadando a medalla de bronce; e a súa compañeira de selección, a pamplonesa Aurkene Aroca, finalizou en 10ª posición.
No C1 masculino, o pontevedrés Jaime Duro, acadou a 6ª posición e o xixonés Yaroslov Shelestenko foi 9º.
No K1 masculino, o irundarra Jon Moreno foi 11º e o conquense Victor Pardo foi 12º