O Embalse de Belesar en Taboada (Lugo) acolleu o Campionato Galego de Inverno. Este encoro non acollía ningunha competición desde a Copa 1000 metros celebrada no 2007, con todo tivo unha gran participación, cuns datos que sumaban un total de 40 clubes e uns 600 participantes. Inda así houbo grandes ausencias como son as de Gabriel Campo, Rubén Millán e Roi Rodríguez en K1 masculino, Natalia García, Camila Morison, Raquel Dacosta e Nuria Villacé no K1 feminino, dado a que todos eles están concentrados en Sevilla. Así mesmo, a canoa sofre unha gran ausencia con Tono Campos, de baixa fai un par de meses, na mesma categoría, André Oliveira e Sergio Vallejo tampouco acudiron á cita.

O campionato comezou ás 9:30, realizando un circuíto de unha volta longa e dúas curtas facendo un percorrido de 5000 m. A primeira carreira na categoría absoluta foi o C1 Senior Feminino, no que Jenifer Casal do Cidade de Pontevedra foi a campiona, cun tempo de 29:02, no mesmo minuto entrarían en meta a segunda e terceira clasificada, Laura Outón do Breogán do Grove e Raquel Rodríguez do CCP de Portonovo, respectivamente.

A saída do kayak feminino tivo lugar ás 12:00, e ao final da primeira volta, as palistas Tania Fernández do Fluvial de Lugo e Tania Álvarez do Breogán do Grove, estaban en cabeza; o seu grupo perseguidor estaba formado por Carla Sieiro do Piragüismo Poio, Carla Pérez do Kayak Tudense, Rebecca Laurijssen de As Torres de Catoira e Carmela Menduiña do Ría de Aldán. No sprint final de cabeza, a palista do Fluvial tomou unha ventaxa de 3 segundo sobre a súa tocalla Tania Álvarez do Breogán do Grove. A terceira posición, tamén resolta nun sprint, foi liderado por Carla Sieiro de Poio.

Na carreira do C1 senior másculino, os palistas do grupo de cabeza na primeira volta, resolveron a clasificación no derradeiro kilómetro, resultando a victoria para Diego Romero do Breogán do Grove, cun tempo do 23:14, o subcampionato para Manuel Garrido do Kayak Tudense e a terceira posición para David Costa, tamén do Tudense.

A derradeira carreira foi o K1 senior masculino, cun total de 96 participantes, tivo unha saída máis que emocionante. O grupo de cabeza na primeira volta estaba formado por Diego Dacosta do Ría de Aldán e tres palistas do Tudense: Aaron Diéguez, Iván Alonso e o novo fichaje do asturiano Emilio Llamedo. Despois de que Iván Alonso volcase despois dos 3 quilómetros, o grupo de medalla estaba casi decidido. Na derradeira volta, Llamedo e Diéguez puxeronse sólos en cabeza, resolvéndo a carreira nun sprint final no que Llamedo foi o vencedor con menos de un minuto de Diéguez. A terceira posición, que a mantiña Diego Dacosta paleando sen ningún apoio, poido manter o sprint final en cabeza diante do grupo perseguidor.