O Campionato do Mundo de Pista para as categorías Junior e U23 finalizou hoxe en Montemor O Velho (Portugal), con 6 medallas conseguidas pola selección española.

Entre as diversas medallas, a participación máis destacada foi a do sub23 Roi Rodríguez Huertas, do Kayak Tudense, que se proclamou campión do mundo en K1 1000 e no K4 acompañado de Marcus Cooper, Albert Martí e Juan González.

Así mesmo, a selección acadou outras dúas medallas, dúas platas das mans de Sara Ouzande en K1 200 U23 e Alicia Heredia en K1 500 U23. Finalmente, as outras dúas medallas serían obtidas polos junior, o kaiakista ceutí José Gómez obtivo o subcampionato mundial en K1 1000 metros e o C4 de Rubén Fernández, Alfonso Domínguez, Alex Bernárdez e David Barreiro obtiveron o bronce nos 500 metros.

Asemade, moi preto do podio estivo a junior cesureña Camila Morison no K1 500 metros, quen cun tempo 2:00.756 e a menos de catro décimas do bronce que obtivo a británica Kerr; e nos 200 metros, o pontevedrés Adrián Sieiro foi 5º no C1 U23.