Este fin de semana celebrouse en Verducido a 2ª Copa de Sprint da temporada, que abranguería principalmente as categorías olímpicas.

Mentres que pola mañá do sábado terían lugar as clasificacións para as categorías individual, as finais terían lugar pola tarde. A primeira final da categoría absoluta en realizarse sería a do C1 feminino sobre 200 m., que tivo como vencedora á pontevedresa Claudia Couto, da Escuela de Piragüismo Ciudad de Pontevedra, case un segundo por diante de María dels Angels Moreno, do Real Club Náutico Port de Pollença; e esta a 0,12 s. de Valeria Oliveira, da Escola de Piragüismo de Poio. O C1 masculino sobre 1000 m. tivo como vencedor a Pablo Crespo, do Ciudad de Pontevedra, 01,75 s. detrás entraba en meta Diego Domínguez, do Breogán do Grove. O podio desta categoría pechábao Daniel Grijalba, da Escuela de Piragüismo de Aranjuez. O máis rápido no K1 sobre 1000 metros foi Pedro Vázquez Llenín, do Kayak Tudense, que vencería sobre pouco máis de medio segundo do seu compañeiro de clube, Matias Valentín Otero. A terceira posición foi para o mallorquino Alex Graneri, do Real Club Náutico de Palma. A categoría senior individual pecharía co K1 feminino sobre 500, que tería como campiona a Bárbara Pardo da Penya Piragüista Antella. A zamorana Laura Pedruelo, do Club Deportivo Durius Kayak Zamora proclamouse subcampiona, a tan so 0.07 s., de Lara Feijóo, do Kayak Tudense.

Na categoría individual paralímpica, o PV3 sobre 200 metros tivo como vencedor ao rianxeiro Adrián Mosquera, do Club de Piragüismo Rías Baixas – Boiro, a segunda posición foi para José Francisco Fernández, do Real Círculo de Labradores. Finalmente, a medalla de bronce foi a mans do sevillano Marcos Álvarez, no Club Náutico Sevilla. No PK3 feminino sobre 200, a mellor foi Mª Araceli Menduiña, do Club de Mar Ría de Aldán, tras ela entraba en meta Sandra Ortega, da Escola Piragüismo Aranjuez e Lorena Araguete, do Club de Piragüismo Extremadura. A disciplina PK2 masculina tivo como campión a Javier Reja, do Náutico de Sevilla, en segunda posición estivo o seu compañeiro de clube, Marcos Álvarez, e terceiro foi Adrián Castaño, do Real Club Náutico de Palma. No PK3 masculino o vencedor foi Juan Antonio Valle, do Club Iuxtanam Mérida, Adrián Mosquera foi subcampión nesta modalidade e a medalla de bronce foi para Nicolás Martínez, do Club Fluvial de Lugo. Como única padexeira no PV3 feminino, estivo Inés Felipe, do Club de Piragüismo Badajoz.

Hoxe domingo, a categoría absoluta tiña a súa primeira final no C2 feminino sobre 500 metros, no que a pontevedresa Claudia Couto acadou un novo ouro da man da súa compañeira Antía Otero, as canoístas do Kayak Tudense, Yureli Andrea Martín e Cristina Soutelo foron subcampionas, e a terceira posición foi para María dels Angels Moreno e Carolina González, do Náutico Port de Pollença. O C2 masculino sobre 500 tivo como vencedores ao vilanovés Manuel Fontán e ao pontevedrés Adrián Sieiro, do Club Náutico O Muiño de Ribadumia. A só 0,12 segundos de diferencia entraban en meta os pontevedreses Pablo Crespo e Martín Jácome, do Ciudad de Pontevedra; a terceira posición foi para os irmáns Noel e Diego Domínguez Martín, do Breogán do Grove. O K2 feminino tivo como campionas ás emeritenses Estefanía Fernández e Teresa Tirado, do Iuxtanam Mérida. A segunda posición foi para as kayakistas do Kayak Tudense, Lara Feijóo e Lucía Soutelo; a só 0,25 segundos das tudenses, entraron en meta as irmás Elisa e Mercedes Zapata Jenaro. O K2 masculino tivo como vencedores aos ribereños Kike Adán e Adrián del Río, do Piragüismo Aranjuez; padexando polo Kayak Tudense, Pedro Vázquez Llenín e Matias Valentín Otero foron subcampións. O podio desta categoría o pecharon os aldaneses Diego Dacosta e Carlos Pérez “Perucho”, a menos de medio segundo dos tudenses.

As categorías cuádruples comezarían co C4 feminino, que tivo como vencedoras ás ribereñas Sandra Royo, Estrella Stegierski, Esperanza e María Martín Rojo, a tan so 0,35 s. das padexeiras do Náutico de Sevilla, Loreto Macho, Carmen Chaves, Elena Gómez e Marta García. O equipo do Ciudad de Pontevedra pechaba o podio cun C4 formado por Noa Conde, Claudia Couto, Antía Otero e Rosana Simón. Nos 500 metros do K4 feminino as mellores eran as do Iuxtanam Mérida, cunha embarcación formada por Estefanía Fernández, Marta Figueroa, Teresa Tirado e Ainhoa Trinidad; na segunda posición estiveron as kayakistas do Club Sociedad Deportiva Santiagotarrak, Nerea García, Carla Corral e as irmás Uxue e Maialen Arsuaga Martiarena. O K4 masculino tivo como campións aos do Fluvial de Lugo, cun equipo formado por Pelayo Roza, Xoel García, Pablo Roza e Nicolás Dono. O equipo do Kayak Tudense, Pedro Vázquez, Roi Rodríguez, Sebastián Delgado e Matias Valentín Otero foron subcampións, a tan so 0.09 s., por diante de Adrián del Río, Kike Adán, Jorge Rodríguez e Pablo Simarro, do Piragüismo Aranjuez. O C4 masculino tivo como campións aos do CMDC Breogán do Grove, cunha embarcación tripulada por Tono Campos, David Barreiro e os irmáns Noel e Diego Domínguez. En segunda posición finalizaron Pablo Crespo, Jaime Duro, Martín Jácome e Diego Piñeiro, do Ciudad de Pontevedra, que foron segundos a so 0.06 dos padexeiros do Muiño, Carlos Picón, Ramón Ferro, Manuel Fontán e Adrián Sieiro.

O piragüismo inclusivo abarcou a categoría K2 feminino, que tivo como vencedoras á Araceli e Carmela Menduiña Santomé, do Club de Mar Ría de Aldán. Janira Cortijo e Sandra Ortega, do Aranjuez, foron segundas e as súas compañeiras de clube, Marta Parejo e Alba Esteban, foron terceiras. No K2 masculino os campións foron Adrián Castaño e Joan Rossello, do Náutico de Palma, pouco máis de medio segundo por diante de Julio Moreno e Juan Antonio Valle, do Iuxtanam Mérida. A terceira posición foi para os sevillanos, Carlos Molina e Marcos Álvarez, do Náutico de Sevilla. A nivel de clubes, o campión sería a Escuela de Piragüismo de Aranjuez, por diante do Club Náutico de Sevilla e o Kayak Tudense.