Onte en Tokyo celebráronse as primeiras carreiras de piragüismo en categoría sprint. Nas filas españolas da xornada estarían as da canguesa Teresa Portela, no K1 200 metros e os dous sevillanos Cayetano García e Pablo Martínez, competindo no C2 1000 m. Portela gañou a súa eliminatoria, de tal xeito que se clasificaría directamente á semifinal, evitando así o seu paso pola fase de cuartos. Asemade, na súa eliminatoria fixo o segundo mellor tempo das 5 carreiras, tan solo superada pola imbatible neozelandesa Lisa Carrington. Polo lado do C2 dos xóvenes sevillanos, tamén acadaron a semifinal directa tras ser segundos trala parella alemana de Sebastian Brendel e Tim Hecker.

A semifinal de Portela foi algo máis xusta, xa que obtivo un cuarto posto empatando en tempo coa sueca Linnea Stencils; deste xeito serían 9 as participantes da final, fronte ás 8 establecidas previamente. Do mesmo xeito que a galega, o C2 de García e Martínez tamén se clasificaron coa última posto de clasificación establecido, o cuarto.

Ás 11:37 hora local, Teri Portela tería unha boa saída, que a colocaría entre a segunda e a quinta posición, nun momento no que a neozelandesa xa se atoparía nunha distancia relativa. Nos últimos metros, ela e a danesa Emma Jorgensen se distanciaron lixeiramente do resto de palistas e trala entrada en meta da campiona Lisa Carringron, Portela chegou á meta con 0.17 segundos de diferencia de Jorgensen. Deste xeito, coa medalla de plata, Portela acadou o seu primeiro metal olímpico tras participar en 6 edicións. Minutos despois sería o turno do C2, quenes finalizaron en octava e última posición, non obstante, a súa clasificación á primeira final foi máis que un gran logro, dado á súa xuventude e proxección para a próxima edición dos Xogos Olímpicos.