O Campionato do Mundo de Pista celebrado en Milán, finalizou este mediodía con 4 medallas para as embarcacións da selección española. En canto as clasificacións para os Xogos Olímpicos de Río de 2016, foron dúas embarcacións as clasificadas para esta cita olímpica (unha delas foi un K4). Respecto a este asunto, houbo diferentes embarcacións cas que se prevía a súa clasificación, pero non a conseguiron; non obstante, o preolímpico continental a celebrarse o próximo ano, será unha segunda oportunidade para os palistas que non acadaron a clasificación.

A primeira medalla mundialista sería para o canoísta paralímpico Javier Reja, que se proclamou subcampión do Mundo en canoa VL2. En canto ás outras participacións españolas, o kaiakista talaverano Paco Cubelos non conseguiu clasificarse para a final A e co cal non puido aspirar ás clasificacións olímpicas, de todos modos, foi segundo na final B por detrás do belga Artuur Peters. Na mesma distancia en canoa, o vilagarciano Diego Romero clasificouse para a final B na que acadou a séptima posición. Polo seu lado, a kaiakista Laura Pedruelo clasificouse para a primeira final e rematou en 8ª posición, nunha carreira liderada pola húngara Erika Medveczky.

No K1 500, o tomiñes Roi R. Huertas acadaba clasificarse para a final A tras gañar a súa eliminatoria e a súa semifinal, e finalmente, conseguiu a cuarta posición nunha carreira liderada polo danés René Holten Pousen. No C1, o pontevedrés Adrián Sieiro clasificouse para a final A onde acadou a sexta posición, nunha carreira liderada polo checho Martin Fuksa. E finalmente no kaiak feminino, Begoña Lazcano acadou a clasificación á final C onde foi novena.

Na embarcación individual dos 200 metros, o bimedallista olímpico, o leridano Saúl Craviotto, non acadou clasificarse á final A e aspirar á clasificación olímpica, tras unhas semifinais nas que os 16 mellores tempos entraron en tan solo un segundo, facendo así a clasificación olímpica a cuestións milimétricas. Non obstante, Saúl conseguiu a segunda posición na final C tralo australiano Stephen Bird. Asemade, no kaiak feminino chegaría outra medalla, co bronce de Teresa Portela e a primeira clasificación olímpica, tras uns 200 metros liderados pola neozelandesa Lisa Carrington. O responsable do C1 200, o olímpico maiorquino Sete Benavides, non acadou a clasificación á final A e optar á clasificación olímpica, non obstante, Sete gañou a final B e agora ten mentalizada a clasificación olímpica no preolímpico europeo para o próximo ano. No C1 feminino, a maiorquina Adriana Paniagua clasificouse a final B onde acadou a 7ª posición.

Nas embarcacións de equipo, o K2 1000 do tomiñés Rubén Millán e do ourensán Gabriel Campo acadou clasificarse á final A, onde case consiguen a clasificación olímpica tras acadar a novena posición. Namentres, o C2 do meco Tono Campos e de Diego Romero acadaron a clasificación á final B na que foron séptimos. Polo seu lado, a lucense Tania Fernández e a asturiana Miriam Vega acadaron a sexta posición na final A do K2 1000. Foi no K4 masculino desta distancia no que tivo lugar a outra clasificación olímpica, co asturiano Javier Hernanz, os galegos Rodrigo Germade e Óscar Carrera e o guipuzcoano Íñigo Peña, quedes foron sextos tras clasificarse á final A que venceu a embarcación eslovaca. Nos 500 metros, no K2 o palentino Diego Cosgaya e o maiorquino Marcus Cooper proclamáronse subcampións do mundo nunha final liderada pola parella australiana. Namentres, en ámbolos dous C2, masculino e feminino, gañaron a final B, por un lado o conseguían os galegos Jose Luís Bouza e Adrián Sieiro e polo outro a maiorquina Adriana Paniagua e a vallisoletana Patricia Coco. E rematando as carreiras do medio kilómetro, o K4 da madrileña María Corbera, a ceutí Isabel Contreras, a zamorana Eva Barrios e a compostelana Ana Varela foron cuartas na final B. Nos 200 metros, o K2 do brigantino Carlos Arévalo e do lucense Cristian Toro non acadaron a clasificación A e non puideron optar polas preciadas prazas olímpicas, non obstante, gañaron a final B. No C2, polo seu lado, Antoni Segura e Francisco Luengo foron segundos, tamén na final B. Polo seu lado, a xixonesa Sara Ouzande e a donostiarra Begoña Lazcano foron novenas na final A.

Finalmente, na distancia de fondo, nos 5000 metros, foi onde a selección española conseguiu a súa cuarta medalla, co papel do grovense Tono Campos, que se proclamou subcampión do mundo na distancia, solo por debaixo do alemán Sebastian Brendel. As outras dúas participacións da selección, a de Íñigo Peña no K1 masculino e a de Eva Barrios no K1 feminino, conseguiron a 8ª e 17ª posición, respectivamente. A nivel de seleccións, Alemania foi o país vencedor, por diante de Bielorrusia e Australia, segundo e terceiro país clasificado.