Este fin de semana celebrouse a Copa de España sobre 200 e 500 metros no Embalse de Pontillón do Castro en Berducido. Mentres que no sábado se disputarían as carreiras das embarcacións individuais, o domingo sería o turno das dobres.

A xornada do sábado pola maña ocupouse polos 200 metros, entre os que, que tralas eliminatorias e as semifinais que reunirían ós mellores dos participantes na distancia, as finais terían lugar a partir das 11:15. No K1, o máis rápido sería Pablo Andrés Iglesias do Club Salamanca Canoe Kayak facendo un tempo de 35.723, a poucos menos dun segundo, do seu perseguidor Jesus Soler dos Delfines de Ceuta, e tras él, Íñigo Noval do Club Natación Langreo. No C1 o líder sería o diploma olímpico Sete Benavides, do Club Náutico Port de Pollença, que cosechou unha marca de 39.595, seguido de Adrián Sieiro do Club de Piragüismo Poio, con 0.580 de diferencia e Hugo Alberto Pedrero do Club Escuela Piragüismo de Aranjuez, con 0.972. No kayak feminino a victoria sería para Sara Ouzande do SD Gauzón – Cabo Peñes cun tempo de 41.482, mentres que a prata e o bronce serían para Natalia García do Breogán do Grove e para Begoña Lazkano do Club Donostia K.E., respectivamente. No C1 feminino a victoria sería para María Jiménez do Club Náutico de Sevilla, seguido de Ana Isabel Ríos do Blanca Club de Piragüismo e de Jenifer Casal da E.P. Ciudad de Pontevedra.

Polo seu lado, a tarde sería o turno dos 500 metros, onde na final do K1 masculino a victoria sería para o tudense Roi Rodríguez; un segundo e medio despois entraría en meta Pelayo Roza, do SCD Ribadesella, mentres que a terceira posición sería para Marcus Cooper do Real Club Nautic Portopetro. Na canoa o mellor nos 500 sería Adrían Sieiro, seguido de André Oliveira do Club Náutico Firrete e do maiorquín Sete Benavides. No K1 feminino a medalla de ouro sería para Isabel Contreras do Club Los Delfines de Ceuta, medalla de prata para Eva Barrios do Club Deportivo Durius Tecozam – Viajes Sanabria e o bronce no K1 sería de novo para a donostiarra Begoña Lazkano. No C1 500 feminino a victoria volvería a ser para María Jiménez, mentres que as pontevedresas Jenifer Casal e Raquel Rodrigez serían prata e bronce respectivamente.

Mentres tanto, a xornada do domingo se disputaron tódalas carreiras de K2 e C2, primeiros sería o turno dos 200, no que os gañadores do K2 serían Carlos Garrote e Rubén Vicente do Club Deportivo Durius, cun tempo de 33.775; en segunda posición estarían Carlos Arévalo e David Vilariño do Náutico Pontecesures e finalmente, en terceira estarían os ceutíes Ioan Bargaoanu e Jesús Soler. No C2, os primeiros serían David Ursula e Hugo Alberto Pedrero do Piragüismo Aranjuez, seguido da parella de Daniel Durán e Sergio Vallejo de Poio e da de Adrián Edreira e Xose Vales do Ría de Betanzos. No K2 feminino as vencedoras foron as palistas do Piragüismo Aranjuez, Lucia Arquero e María Corbera, seguidas de MªIsabel Garcia e Sara Ouzande do SCD Gauzón e de Laura Pedruelo e Victoria Fraile do Piragüismo Duero Zamora. Nos 500 metros, o K2 gañador serían os palistas do Kayak Tudense Gabriel Campo e Rubén Millán, mentres que a segunda posición sería para os seus compañeiros de clube Victor Rodríguez e Roi R. Huertas, e a terceira sería para Pol Busquets e Albert Marti do Club Natacio Banyoles. No C2 os primeiros serían os palistas de Poio Adrián Sieiro e Sergio Vallejo, detrás deles entrarían en meta os palistas tudenses Brais Casas e Jose Luís Bouza e a embarcación do Ría de Betanzos de Jose Manuel Sánchez e Miguel López. No K2 feminino, as vencedoras volverían a ser as palistas de Aranjuez, Arquero e Corbera, seguidas das zamoranas Laura Pedruelo e Victoria Fraile e finalmente, en terceira posición, a medalla de bronce sería para as palistas do RCN Palma, Raquel Bota e Alicia Heredia.

A nivel de clubes a victoria sería para o Club Náutico Sevilla, a segunda posición foi para o Club Escuela de Piragüismo Aranjuez e a terceira para o Kayak Tudense.