Campionato de España e de Galicia de Maratón (primeira xornada)
Os primeiros en saír serían os K1 Junior, e despois deles, sairían consecutivamente as categorías femininas K1 Junior, Sub23 e Senior. Os medallistas Junior serían o asturiano Jaime Noval do Kayak Siero, ca medalla de ouro, seguido de Jorge Rodríguez e Jon Moreno, do Piragüismo Aranjuez e da S.D. Santiagotarrak. Na categoría feminina senior a victoria a nivel nacional sería para Nuria Villace, do Club Náutico Ría de Betanzos, seguida de Aurora Figueiras do Club Natacio Banyoles e Amaia Osaba do Piragüismo Pamplona; a nivel galego acompañaron a Villace no podío as kayakistas Gloria Silva do Piragüismo Illa de Arousa e Jessica Moledo do Club de Mar Ría de Aldán, prata e bronce respectivamente. Na categoría Sub23, a campiona sería Estefania Fernández do Iuxtanam-Monteoro, seguida de Carolina Massagues do Piragüismo Aranjuez e Olatz Zabala do Santiagotarrak. A nivel galego a campiona sería a tudense Valeria Romero, seguida de Noelia Moledo do Ría de Aldán e Tania A. Yates do Breogán do Grove. Por último, na última categoría en participar nesta primeira sesión de regatas sería o K1 Junior feminino, no que a campiona de España sería Isabel López do Club de Piragüismo Cuenca con Carácter, seguida de Ainhoa Hidalgo do Piragüismo Pamplona e de Elisa Zapata do Club deportivo Iberdrola Zamora. A nivel galego a vencedora sería Isabel Mª Lozado do Club Piragüismo Verducido, por diante de Noelia Rodríguez do Ciudad de Pontevedra e Cintia Fernández do Ría de Aldán.
A segunda sesión de carreiras, con saída oficial as 11:30 e que sufriu un lixeiro retraso, agruparía as categorías K1 masculino Senior e Sub23, e os C1 masculinos Senior, Sub23 e Junior, con distintas saídas consecutivas. Os primeiros en sair, o K1 Senior, realizarían a carreira máis longa de todo o campionato, cun total de 7 porteos e unha distancia de 29800 m. distribuidos en 8 voltas longas e 1 pequena. Nesta categoría, atoparíamos durante case toda a carreira un grupo de cabeza formada por Rafael Carril do C.D.B. Oviedo Kayak, Iván Alonso do Kayak Tudense, Emilio Merchán do Canoa Kayak Zamora e Xabi Ruiz de Aretxabaleta do Donostia Kayak K.E. Finalmente, puidemos contemplar un emocionante sprint final de Alonso e Merchán, no que Alonso gañaría por moi pouca distancia o seu compañeiro de K2 nos Campionatos do Mundo; mentres tanto o bronce sería para o donostiarra Ruiz de Aretxabaleta. A nivel galego acompañíran a Iván Alonso no podio o pontevedrés Jaime Sobrado, do Ría de Pontevedra e o eumés Toño Rey do Náutico Firrete. Na categoría Sub23 a medalla de ouro sería para o zamorano Alejandro S. Cobos do Iberdrola Zamora, prata para o maliayo Pablo Solares do Club Piraguas Villaviciosa – El Gaitero e bronce para o ribereño Adrián Martín do Piragüismo Aranjuez. A nivel galego, o campión sería para o lucense palista do Náutico Pontecesures, Jose Ramón Estévez, seguido do palista do Ría de Aldán, Diego Dacosta e o palista do Naval de Pontevedra, Breogán Monteagudo. Nos canoístas senior, a victoria sería para David Manuel Mosquera, do Ría de Betanzos, seguido de Manu Garrido do Kayak Tudense e bronce para Diego Suárez, do S.C.D. Ribadesella. A nivel galego manténdose as dúas primeiras plazas, acompañarían a Mosquera e a Garrido o meco Miguel Fernández, do Breogán do Grove. No C1 Sub23 a victoria sería para Carlos Vega do Iberdrola Zamora, seguido de Damián González do Piragüismo Verducido e Angel Esteban do Piragüismo Aranjuez; pola súa parte, xunto a Damián, a nivel galego estarían os dous catoirenses Roi Baulde e Imanol Pérez. Finalmente, na categoría C1 Junior a victoria sería para David García do Náutico Firrete, seguido de Rubén DaSilva do Kayak Tudense e David Oses do Iuxtanam-Monteoro, a nivel galego estaría tamén no podio Miguel Padín, cuarto a nivel nacional.
Ó longo da maña disputanse as regatas da categoría canoa feminina e todas as categorías cadete. Maña disputaranse as categorías K2 masculino e feminino Junior e Senior e os C2 masculinos Senior e Junior.