Este fin de semana tivo lugar  a Copa 1000 para as categorías senior e junior, celebrado como case tódolos anos no embalse de Trasona,onde o Kayak Tudense vencería por tan sólo 22 puntos do Náutico de Sevilla e a Escuela de Piragüismo Aranjuez en terceira posición; pola súa parte os outros dous mellores clubes galegos serían o Breogán do Grove (6ºs a nivel estatal) e o Náutico Ría de Betanzos (7ºs a nivel estatal).

Na categoría individual, Marcus Cooper, do club balear Nautic Portopetro gañaría os 1000 metros cun tempo de 3:42.572, detrás del entrarían na meta o euskara Íñigo Peña, do Itxas-Gain e o palentino Diego Cosgaya en terceira posición. No C1 o vencedor sería o vilagarciano palista do Breogán do Grove, Diego Romero cun tempo de 4:03:490, seguido por André Oliveira do Náutico Firrete e Adrián Sieiro do Club de Piragüismo Poio. A primeira K1 feminino sería Alicia Heredia do RCN Palma cun tempo de 4:16:646. En segunda posición Nuria Villace do Ría de Betanzos e en terceira Natalia Garcia do Breogán do Grove,

Pola súa parte, os mellores no K2 masculino serían Rubén Millán e Gabriel Campo, do Kayak Tudense, rexistrando unha marca de 3:32:565. Detrás deles estarían Javier Hernanz e Borja Prieto do Real Grupo de Cultura Covadonga e Óscar Carrera e Roi Rodríguez, compañeiros de clube dos primeiros. No C2 os vencedores serían os futuros representantes españoles no Europeo: Tono Campos e Diego Romero do Breogán do Grove, seguidos dos tudense José Luis Bouza e Brais Casas e de Adrián Sieiro Sergio Vallejo do Piragüismo Poio. No K2 feminino as primeiras serían as membras do RCN Palma, Raquel Bota e Alicia Heredia, por diante do K2 de Lucia Arquero e Carolina Massagues do Piragüismo Aranjuez e da embarcación de Carla Pérez e Valeria Romero do Kayak Tudense.

Nas embarcacións de K4 e C4 os mellores serían os palistas do Kayak Tudense nas súas respectivas carreiras: Gabriel Campo, Rubén Millán, Victor Rodríguez e Roi Rodríguez no K4 masculino, o de David Costa, Ramón Ferro, Óscar Graña e Brais Casas no C4 e Carla Pérez, Valeria Romero, Carla Cerqueira e Andrea F. Porteiro en K4 feminino.